लाँकडाऊन म दरूहा मन के दशा
कतका कन पिये हे मंदहा भुइयां म परे हे।
करलई हे दाऊ कुकुर मन चाटे बर धरे हे।
खाये बर पइसा नही काहय हाथ होगे सुन्ना।
खुलगे भट्ठी ह त दरूहा मन ल होगे गुन्ना।
काला बेचिस कहाले लाइस बाई ह रोवत हे।
मस्त मतंगा नशा होगे जिहा तिहा सोवत हे।
कोरोना के नइहे डर डट्टा म लाइन लगे हे।
बिहनिया के गेहे भट्ठी परान ऊहे तजे हे।
वाह रे चतुर सरकार तोर महिमा हे अपार।
मंदिर के पट बंद हे इहा भट्ठी म लगे दरबार।
पवन नेताम 'श्रीबासु'
सिल्हाटी, कबीरधाम(छ.ग.)
चेपटी ल पियत हे चेपटत हे गाल ह ,
उपर ले हाँसत हे बैरी करिया काल ह,
देख जिंदगी ल कैसे उड़ावत हे,
दु पैसा के दारू म का मजा पावत हे,
अब तो सुधर जव घर होवत बदहाल ग,
ऊपर ले काल हाँसय देख तुहर हाल ग ,
सुरेंद्र निषाद विश्रामपुर सिमगा
टिप्पणियाँ
एक टिप्पणी भेजें