दाऊ मंदराजी
आज नाचा गम्मत के पुरखा स्व. श्री दाऊ,मंदराजी के जनम दिन म नाचा के तर्ज म समर्पित ओला गीत..
छ.ग. के नांदगांव मे...-2जनम धरिन मनखे खाटी ऐ,
इही पुरखा इही थाती ऐ -4
(1) नांदगांव के गांव रवेली, ओखर जनम अस्थाने।
गांव के एक किसनहा बेटा ह बनाइस अलग पहिचाने।
-नाचा गम्मत के जनम करिन ऐ-2कतका सुघर परिपाटी ऐ, इही पुरखा इही थाती ऐ....
-रहिस नामे दुलार आवय गौटिया परिवार,
1 अप्रेल 1911 के वो जनमिस ओहा यार।
रामाधीन के ओ बेटा - मंदराजी ऐ न
नाचा गम्मत के पुरखा- मंदराजी ऐ न
ओ तबलची चिकरहा- मंदराजी ऐ न
मनोरंजन करैया - मंदराजी ऐ न
- गांव-गांव बगराईस नाचा गम्मत देखाइस,
जन-जन म सुघर संदेश पहुचाईस।
पोंगवा पंडित के रचाईया- मंदराजी ऐ न
इरानी गम्मत बनाईया- मंदराजी ऐ न
मरारिन गम्मत देखईया-मंदराजी ऐ न
संदेश बगरैया- मंदराजी ऐ न
अई होsssss
सुरता करव वो पुरखा ल sssss
सुरता करव वो पुरखा ल सुरता करव दीदी ओ
नाचा के पुरखा ल सुरता करव न।
- गम्मत के थाती छोड़ गईस ओ नाचा के पुरखा ल सुरता करव न।
पवन नेताम 'श्रीबासु'
सिल्हाटी, कबीरधाम (छ.ग.)
दिनांक- 25/03/2019
टिप्पणियाँ
एक टिप्पणी भेजें