पुरखा के मोर थाती ल,

तोर चरन के पंइया लागव....-2 चंदन लव ए माटी ल,
छ.ग. के पावन भुँँइया,पुरखा के मोर थाती ल-2

दाइ शबरी के आश्रम जिहा,शिवरीनारायण के माटी ऐ।
कौशिल्या के जनम भुइँया, कोसलपुर नाम ख्याति हे।
-बाल्मिकी के आश्रम तुरतुरिया...-2 रामायण रचैया ओ बड़ भागी ल,

अंगारमोती बमलाई समलाई रतनपुरहिन महामाई हे।
सुख समरिध्दि बरदान देवैया, चमतकारिन दाई ऐ।
-छ.ग. के कहिथे शिमला..-2 वो मैनपाट के घाटी ल,

महानदी शिवनाथ अरपा पैरी,इहा के मान बढ़ाथे।
साहितकार बेटा दुलारवा मन,एखरेच गुन ल गाथे।
कला संसकिरति के खदान इहा...-2 अइसन ए परपाटी ल...

वीर नारायण सही क्रांतिकारी, याद करव तुम ओ दिन।
गोड़वाना के शेर कहैया बेटा ल,जयस्तंभ म फांसी लगादिन।
-शत शत ओला परनाम पहुचै..-2 गोली खवइया गुंडाधुर के छाती ल..

                   पवन नेताम 'श्रीबासु'
      सिल्हाटी, स/लोहारा,कबीरधाम(छ.ग)
                 संपर्क -9098766347