पोरा पटकना

पोरा पटकना

पोरा तिहार के एक अऊ अंग जेन ल पोरा तिहार के संझा बेरा मनायें जाथे। जेन ल पोरा पटकना कहिथे।
पोरा पटके के दू कारन सुने ल मिलथे । 
जेमा पहली धार्मिक कारन हे, 
               द्वापर जुग म पोरासुर नाम के राक्षस रिहिस जेन ल भगवान कन्हैया ह गांव के मेड़ों म पटक-पटक के मारे रिहिस तेखर सेती आज ले पोरा ल पटक के तिहार ल मनाये जाथे।
          पोरासुर ल कन्हैया द्वारा पटके गिस,गांव ले भगाये गिस त पोरासुर कहिस प्रभु भाग तो जहुं पर मैं खाहू-पीहू काला ? त कन्हैया द्वारा कहे गिस कि तै खेत-खार के किट पतंगा ल खाबे अऊ मेड़ो के भीतरी घुसन झन देबे‌।

दूसर गोठ लोक मान्यता सुने ल मिलथे कि पोरा म ठेठरी-खुरमी ल भरके गांव के मेड़ों म पटके जाथे।
          एखर संदर्भ कहिथे कि हमर फसल के नाश करइयां ल खाथे तेखर सेती शुरूआत म ठेठरी-खुरमी ले मुंह मीठा कराये जाथे तहां ले फसल के कटत ले किट पतंगा मन ल खावत राहय।
                कुल मिलाके ए मान्यता के पाछू भाव हे कि गांव अऊ खेत-खलिहान म जेन रोग-राई हावय ओखर नाश हो जाये‌।

एखर एक ठन अऊ मिथक जुड़े हे। हमर सियान मन बताये कि हरेली के दिन नांगर बईला धोये बर पानी गिरना चाही अऊ पोरा के दिन पानी नइ गिरना चाही।
काबर कि पोरा दिन के पानी ल सेठ साहूकार मन पोरा म झोंक के जाता तरी गड़िया देथे , जेखर ले बादर ह जाता कस घरर-घरर बाजथे भर पानी गिरय नहीं, तहाले किसानी म अंकाल या घाटा फेर सेठ साहूकार मनके मान बढ़ जाथे।

एखरे सरलग एक अऊ तिहार आथे- 
पोरा के दूसरा दिन नारबोद नाम के तिहार मनाये जाथे। ए तिहार बिसेस रूप ले किसानी संबंधित ही हावय ।  
किसानी म जेन रोग-राई, खराबी हे ओला गारी देवत मनायें जाथे, कई जगह ओखर पुतला बना के जलाये जाथे। ए दिन किसान मन भेलवा के डारा ल खेत के चारों मुड़ा खोंच के  हूम-धूप देथे। हमर कबीरधाम जिला के कतको गांव म आज भी ए तिहार अऊ परम्परा ल बरसों ले मनावत आवत हे।
मध्यप्रदेश क्षेत्र म घलो मनायें जाथे, ओमन भेलवा के संग नारबोद पेड़ के डारा ल घलो खोंचथे। हमर छत्तीसगढ़ म जेन ल हमन दशमूल कहिथन अऊ ओला हरेली तिहार के दिन दुवारी म लिम डारा संग खोचथन ऊही दशमूल ल मध्यप्रदेश क्षेत्र म नारबोद कहे जाथे।
                               मध्यप्रदेश क्षेत्र म ए दिन अऊ एक उपाय करथे, जेन मनखे के शरीर म कोनो अंग बिसेस म पीरा रहिथे ऊही जगह ल ओखर घर वाले मन बिना बताये आंक देथे जेखर ले वो पीरा ह दूर हो जाथे। 
                    ऐखर पाछू घलो ऊहीच भावना रहिथे कि हमर किसानी म जेन अवरोधक किट पतंगा आथे ओला दूर करना, संगे संग हमर गांव म जेन रोग-राई हावय चाहे वो फसल म होए चाहे मनखे म ओला दूर करना।

                पवन नेताम 'श्रीबासु' 
           सिल्हाटी, कबीरधाम (छ.ग.)
             दिनांक -10/09/2024

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

तुलसी विवाह

चित्र
सतयुग में एक, हुआ  जालन्धर असुर। शक्तिशाली बहुत, व्यवहार भी था क्रूर। पत्नी वृंदा को पाकर, हुआ बहुत घमंड। देवता- दानव नर पशु, सबको देता दंड। इनके उपद्रव से, तीनों लोक थे परेशान। देवता विष्णु से मिले, निकाले समाधान। विष्णु ने  समस्या का, दिया एक उपाय। सभी देवता मिलकर,शंकर को भरमायें। वृंदा के सतीत्व का, विष्णु ने किया ह्रास। इधर शंकर जी, जालंधर का किया नाश। हरि के छल कपट, हुआ ज्ञात जिस क्षण। वृंदा से श्राप मिला,शिला हो जाओ तुरंत। शिल होकर  हरि ने, बदल लिए जो नाम। सती  श्राप से बन गए, पत्थर शालिग्राम। माता वृंदा दाह कर, धरा पर हो गई राख। तुलसी माता रूप धरी, बढ़ने लगी शाख। विवाह तुलसी से किये,रखने अपनी बात। रख कर साक्षी अग्नि को, फेरा मारे सात‌। बीता समय शयन का,हरि उठनी है आज। विवाह,पूजा शुरू कीजै,कीजै मंगल काज।                         पवन नेताम 'श्रीबासु'                          सिल्हाटी, कबीरधाम  
और पढ़ें

किसान और टमाटर

चित्र
मैं छत्तीसगढ़ के जिस इलाके (खैरागढ़ छुईखदान गंडई) से आता हूँ, वह मैकल पर्वत श्रेणी का पूर्वी भाग है । राजनांदगांव-कवर्धा रोड के पश्चिम में मैकल पर्वत श्रेणी है और उसके पूर्व से मैदानी इलाका शुरू हो जाता है । यहाँ की काली मिट्टी बेहद उपजाऊ है जो ओन्हारी (रबी) फ़सल के लिए अनुकूल है । इस क्षेत्र में पहले चना की फ़सल खूब ली जाती थी और वैसे ही पैदावार भी होता था । यहाँ चना की एक देसी किस्म 'सुंदरी' एक बड़े रकबे में बोई जाती थी, जो खाने में बहुत स्वादिष्ट थी । मार्केट में हाईब्रिड बीज के आने से यह किस्म विलुप्त हो गई ।           यहाँ टमाटर की फ़सल भी खूब होती थी और आज भी होती है । सहसपुर लोहारा से साजा तक, साजा से धमधा तक, धमधा से जालबाँधा-घुमका और ठेलकडीह तक और वहाँ से मैकल श्रेणी का पाद प्रदेश अर्थात खैरागढ़ छुईखदान गंडई का यह इलाका टमाटर उत्पादन के लिए प्रसिद्ध है । लेकिन यहाँ टमाटर का जितना उत्पादन होता है उसका वास्तविक लाभ किसानों को नहीं मिल पाता है । एक तो टमाटर का भाव नहीं रहता । आज लगभग चार माह हो गये, मंडी में उसकी कीमत लगभग 3-4 रुपये किलो से ज्यादा ...
और पढ़ें